රසවත්ව, හරවත්ව, ගුණවත්ව හා වැදගත්ව සිංහල ලියමු.

Thursday, June 6

සිංහලයේ පද බෙදීම

අප අදහස් පළකරන්නේ වාක්‍ය මගිනි. පද ගැලැපීමෙන් වාක්‍ය සැකැසේ. අකුරැ වලින් පද ලියා දක්වයි. ලියන සිංහල බස අකුරු, පද හා වාක්‍ය යන අංග තුනකින් සමන්විත වෙයි. පද බෙදීම යනුවෙන් අදහස් කරන්නේ වාක්‍යක් නිරමාණයේදී පද වෙන් කොට ලියමුද හෝ එක් කොට ලියමු ද? යන්නයි. 

පද අර්ථ වශයෙන් නාම, ආඛ්‍යාත, නිපාත නම් වර්ග තුනකට බෙදා දක්වයි. සිංහල වාක්‍යයක් ලියන විට එහි ඇති එක් එක් පදය තවත් පදයකින් වෙන් කොට ලිවීම පිළිගත් රීතිය යි. 

සිංහල ව්‍යාකරණයට අනු ව, ඉතා පැහැදිලි ලෙස සිංහලයේ පද වර්ග හඳුන්වා දී ඇත. ඒ අනු ව, සිංහලයේ පද බෙදීම යනු, ඒ ඒ වර්ගවලට අයත් පද වෙන් වෙන් වශයෙන් ඈත් කොට ලිවීම යි.

1989 දී, ජාතික අධ්‍යාපන ආයතනයේ මෙහෙයවීමෙන් සැකැසුණු ‘සිංහල ලේඛන රීතිය’ පරිදි “නාම, කි‍්‍රයා, නිපාත යනුවෙන් පද වර්ග තුනක් වෙයි. මෙයින් සමහරක් තනි අකුරකින් පමණක් යුක්ත වෙතත්, සියලු පද ලිවිය යුත්තේ එකිනෙක අතර පරතරය ඇති ව ය. එනම් පද බෙදා ය.” යනුවෙන් ඉතා පැහැදිලි ලෙස පද බෙදා ලිවිය යුතු රීතිය දක්වා, එතැන් සිට අකුරු එක් කොට ලිවිය යුතු අවස්ථා නිදසුන් සහිත ව පැහැදිලි කර සම්මතයක් සම්පාදනය වී ඇත්තේ ය.

1. ප‍්‍රකෘති හා විභක්ති

(අ) ගේ - ගෙන් - හට - ට යන විභක්ති ප‍්‍රත්‍යය පෙර පදය සමඟ එක් කොට ලිවීම.

උදා. :- ඔහුගේ, මිනිසාගේ, ඔවුන්ගෙන්, ගැහැනුන්ගෙන්

(ඇ) විසින්, කරා, කෙරෙන්,, කෙරෙහි, වෙත, වෙතින් ආදී විභක්ති සූචක රූප පෙර පදයෙන් වෙන් කොට ලිවීම.

උදා. :- අප විසින්, මා කරා, කාන්තාවන් කෙරෙන්

(ඉ) සම්බන්ධාර්ථයෙහි හා කාලාර්ථයෙහි යොදන, දී - ලා යන රූප පෙර පදය සමඟ එක් කොට ලිවීම.

උදා. :- ගෙදරදී, බැංකොක්හිදී, ලන්ඩන්වලදී

(උ) කරණ විභක්ති සූචක ‘කරනකොටගෙන’ යන්න තනි වචනයක් සේ ලිවීම.

2. නිපාත

(අ) තනිව යෙදෙන අර්ථයක් ප‍්‍රකාශ කරන නිපාත තනි පද සේ ලිවීම.

උදා. :- එහෙත්, තරා, තරම්, තාක්, තුරු, තෙක්, දක්වා - වැනි, විනා, සහ, සේ, හා

(ඇ) ‘නො’ නිපාතය පසු පදය සමඟ එක් කොට ලිවීම.

උදා. :– නොකරන්නේය, නොකළ, නොගොස්, නොයයි, නොවූ,

(ඈ) ‘ම’ නිපාතය පෙර පදය හා එක් කොට ලිවීම. අදම, අවස්ථාවේදීම, කොළඹටම

(ඉ) සමුච්චයාර්ථයේ හා ප‍්‍රශ්නාර්ථයේ ‘ද, දෝ’ යන නිපාත පෙර පදය සමඟ එක් කොට ලිවීම.

උදා. :- අඹද, පොල්ද, ඔහුද, මමද, අපහසුද?, යනවාද?, කවදාදෝ

(ඊ) වාක්‍යාවසානයේ ය, යි, හ, සේක, දෑය යන නිපාත පෙර පදය සමඟ එක් කොට ලිවීම.

උදා. :- කළාහුය, ගියේය, යන්නේය, දැන්වූසේක, වදාළසේක, ගියදෑය, වදාළදෑය

3. ආඛ්‍යාත

(අ) ‘ව‘ වීමේ ධාතුව හා සම්බන්ධ වන ‘ව‘ කාරය පෙර පදය සමඟ එක් කොට ලිවීම.

උදා. :- අනුව, ගුරුවරයකුව, නොවෙනස්ව, පැහැදිලිව, පිළිබඳව

පද බෙදීම ව්‍යාකරණාංගයක් නොවූවත් ලේඛන ව්‍යවහාරයට අදාළ ලක්ෂණයක් වෙයි. 

Sunday, June 2

අවුරුදු කුමාරි





දඩස් දඩස් ගාලා පාන්දර කෝච්චිය ගියේ පපුව උඩින් වගේ, එලාම් ඕනේ නෑ ඒකට තමා හැමෝම ඇහැරෙන්නේ. සුමාලි ඇස් ඇරියා බාගෙට, ආයේ වහගත්තා, විනාඩියක් හිටියා, මොහොතකින් ඇරියා, දෙපාරක් තුන්පාරක් එහෙම කරනකොට කොටස් වශයෙන් සුමාලිට ඇහැරුනා. පොරවාගත් රෙද්ද පහලටම ගිහින්, පුරුද්දට පෙරෙව්වට රස්නේ නිසා කකුල් හරිය තමා හැමදාම වහගන්නේ, මදුරුවෝ කනවට.සුමාලි ඇඳෙන් බැස්සට ලයිට් දැම්මේ නෑ,

හඳ එලිය තාම ජනේලෙන් එළිය කරනවා, කුමාරි අක්කා තාම ගොරව ගොරවා නිදි, එහා ඇඳේ දෙන්නත් එහෙමයි. උන්නං ඔලුවටම පොරවාගෙන, රස්නේ ගාණක් වත් නෑ, මදුරුවන් කාලා කැතවෙනවට වෙන්නැති.

ඇඳන් අතර තිබ්බ පුංචි තීරුව දිගේ ඇවිදලා සුමාලි කාමරේ දොර ලඟට ආවා. වතුර ජෝගුව අරගන දොර ඇරියා. හඳ එළිය කාමරේට දෝර ගලාගෙන ආවා. හීන් හුළඟට දැනුනු හීතලට සුමාලි ඇඹරුනා, ඇත්තටම හතර දෙනෙක් ඉන්න කාමර කෑල්ලට වැඩිය එලිය කොච්චර හොඳද? ටැප් එක ඇරපු සුමාලි ජෝගුවට වතුර පුරවාගත්ත්ත, ටැප් එකෙන්ම අත තියලා වතුර බීලා කටහෝදලා මිදුලට කෙල ගැහුවා.

එහා ගෙදර උයන සුවඳක් ආවා, සුමාලිට ගම මතක් උනා. අම්මා මේ වෙලාවට නැගිටලා උයනවා ඇති නංගිටයි මල්ලිටයි ඉස්කෝලේ ගෙනියන්න. තාත්තා කොහොමත් නිදි නෑනේ. සීයා ඉස්සරහ පිලේ බුලත් විටක් කොටනවා. මල්ලි වංගෙඩිය උඩ ඉඳගන, නංගි දොර ගාව, එයානම් පාඩම් කරනවා තේ හැදෙනකන්. පාඩම් කරනවා නෙමේ කරනවා කියලා අම්මට පෙන්නනවා, නැත්තම් බැනුම් නේ, ඒක නංගිට කියලා දුන්නේ සුමාලි. සුමාලි උසස් පෙළ කරලා ප්‍රතිඵල එනකන් ඉන්නේ. කැම්පස් නම් යැවෙන්නෑ, එකස්ටර්නල් තමා කරන්න හිතාගන ඉන්නේ සුමාලි.

හීටරේ පුංචි හින්දා දෙන්නට විතරයි සුමාලි වතුර තිබ්බේ, එයාටයි කුමාරි අක්කටයි. අර දෙන්නා වෙනම. තේ එක හැදීගන එනකොට කුමාරි අක්කත් ඇහැරිලා.
මෝනිං, කුමාරි අක්කා නින්දෙන්ම කිව්වා
මොනිං, ඔයාම සීනි දාගන්න මදිනං, සුමාලි තේ එක දෙන ගමන් කිව්වේ ආයේ පාරක් යන්න බැරි නිසා, හැමදාම කුමාරිට සීනි මදි,
කුමාරි ඇඳට නැගිටලා ඉඳගෙන, කකූල් දෙක වකුටු කරගත්තා, ඊට පස්සේ අම්මා හදලා දෙන තේ එක වගේ ඒක බිව්වා,
නංගි කවදද ගෙදර යන්නේ
පඩිදාට පහුවදා
පඩිදාට පහුවදා නිවාඩු නෑනේ
ඒ උනාට මම යනවා
ආපුවාම පඩි කපයි!
මම ආයේ එන්නේ නැනේ..
ඇයි බඳිනවද?
අක්කා කියන ඒවා, රිසලස් එනවා
ඉතිං!
මම ගෙදර නවතිනවා ක්ලාස් යන්න
අපරාදේ මම හදලා දුන්න රස්සාව
මම කිව්වනේ රිසලස් එනකන් කියලා
ඉතිං හවස යන්න පුලුවන්නේ
මට බඩු වගයක් ගන්න තියනවා
මං දන්නවා අවුරුදු කුමාරි වෙන්න නේද?
සුමාලි හිනාඋනා
ඊට පස්සේ අනිත් දෙන්නත් නැගිට්ටා, කාමරේ කලබල උනා, වට පිටාවෙත් සද්ද වැඩිඋනා, කපුටෝ කෑගහනවා
දෙන්නා ඈඳගෙන පාරට පැන්නා.
ෆැක්ටරියට අතේ දුර හොඳ ඒකයි
ඔයා අපරාදේ යන්නේ
ඇයි?
වැඩ හොඳයි කියලා සුපරවයිසර් කිව්වා
ඒ වුනාට තාම තනියම වැඩක් නෑනේ
ඔහොම තමා ඉස්සෙල්ලම නූල් කපන්න දෙන්නේ
ඊ ලඟට වාටි මහන්න ඊට පස්සේ බොත්තම්, කොලර්, අන්තිමේදී සම්පූර්ණ වැඩ,
මම තාම වාටිනේ
ඒක තමා සුපර් කිව්වේ
ඒ කොහොමද?
ඒයාලා දන්නවා වාටි මහනකෝට වැඩ හොඳද නරකද කියලා
හ්ම් .. මම අසා ගුරුවරියක් වෙන්න
දහම් පාසලේද බං
නෑ බාබර් සාප්පවක
දෙන්නම හයියෙන් හිනාඋනා
පාරේ කොල්ලොත් බැලුවා
දෙන්න හන්දියෙන් හැරුනා
අන්න අදත් ඉන්නවා,
අර හැමදාම ඉන්න කොල්ලා
එයා ඉන්නේ බස් එකටද නැත්තං අපි එනකන්ද?
ඌ බලන්නේ උඹ දිහා
නෑ අක්කා දිහා
මං දිහා බලනවානම් ඌ මෙලාකටත් මම දාගන
උඹ හිනාවෙයන් ඌට, ගොනා වගේ එයි පස්සෙන්
මට බෑ
මං දන්නවා අර ගමේ කොල්ලා ගැන නේද උඹේ හිත
සුමාලි ඇඹරුනා
මං දන්නවානේ උඹ රස්සාවට ආවෙත් එයා හින්දනේ

සුමාලිගේ හිත එක පාරටම ගමට ගියා. වැවෙන් නාලා සුමාලි කොණ්ඩය පැත්තකට දාගත්තා, ගවුම ටිකක් කොටයි, බාල්දිය එක අතක, අනිකේ සාලුව ගලින් ගලට අඩිය තිය තිය වැව් බැම්බට නැග්ගා. බැම්ම උඩ කුමාරයෙක් වගේ සුරංගයියා, බයිසිකලේ නවත්තගන බලාගෙන ඉන්නේ සුමාලි දිහා. නාලා එනකොට පහුගිය දවස් දෙක තුනේම මෙයා ආවා. මොනවා කියයිද දන්නෑ, සුමාලි අත මැදට කරගත්තා සාලුවෙන් ගවුමේ කොට වැහෙන්න.

හිච්චි මැණිකේ නංගී නාලා වගේ.
සුමාලිට නෑයෝ ඔක්කොම කියන්නේ හිච්චි මැණිකේ කියලා, සුමාලි කෑල්ල ගමට මොඩ් වැඩියි වගේ.
අයියා කොහෙද යන්නේ? සුමාලි එහෙම ඇහුවේ මෙයා අහුලන්නේ හොරගල් බව දැනගනමයි, ඒ වුනාට සුරංග අයියා එනවට සුමාලි කැමතියි.
නංගි අද නම් හරි ලස්සනයි!
සුමාලිට ඒ කථාව නම් බලපොරොත්තු උනේ නෑ, අම්මාවත් එහෙම කියලා නැ සුමාලිට. සුමාලිගේ ඇගේ ගිනි සැරයක් ගියා වගේ
තොල් වේලුනා, බාල්දිය බිම තිබ්බා, තාලෙකට කොණ්ඩේ අතින් පස්සට දාගන, ඔලුව පාත්කරගන සපරංගයියා දිහා බැලුවා
එයා තාම හිනා වෙනවා. සුමාලි තොල් පිට පෙරලුවා හිනා උනේ ටිකයි.

අයියාගේ කෝලම්
නෑ ඇත්තටම ඔයා ලස්සනයි
මං කියන්නේ බොරුනම් කන්නාඩියකින් බල‍න්න
නැත්තං මේ පාර අවුරුදු කුමාරි තරඟෙට ගිහින් බලන්න

සුමාලි ඒ පාර හිනාවෙලා ගෙදර ආවා. ඒ ආවේ අවුරුදු කුමාරි තරඟෙට යන්න හිතාගන. ගියපාර බයිසිකල් රේස් එකෙන් දින්නේ සුරංගයියා. සුමාලිලා පාරේ අයිනේ ඉඳලා කෑගැහුවා, වතුර ගැහුවා. සුමාලිට ගිය අවුරුද්දේ ටිවී එකේ අවුරුදු කුමාරි තරගේ සිහිවුනා

ගෙදර ආපු සුමාලි රෙදි වනන්නෙත් නැතිව කෙලින්ම දිව්වේ තාත්ත රැවුල කපන තැනට, වටපිට බලලා කැඩ්ච්ච කන්නාඩි කැල්ල ගත්ත සුමාලි එහෙට මෙහෙට හරවා මූණ, ලැම, නිතඹ , කොණ්ඩේ, පංච කල්‍යාණයම බැලුවා.
ටිකක් වෙලා ගියාම සුමාලිට පෙනුනේ අවුරුදු කුමාරිට ඇඳලා ඉන්න එයාවම. සුමාලිගේ හිතට විදුලි කොටනවා වගේ රූප එනවා
ඔන්න සුරංගයියා බයිස්කල් රේස් එක දිනලා , එයා අවුරුදු කුමාරි වෙලා , ටීවී එකෙනුත් ඇචිත්, පොටො ගහනවා, තෑගි දෙනවා, අන්තිමේදි තරුණි පත්තරේත් මුල් පිටුව සුමාලිගෙන් සැරසිලා
කඩාපන් ඕක හැඩ බලලා

අම්මා එහෙම කියනකොට සුමාලි ලැජ්ජාවෙන් ඇඹරිලා පිලිකන්නට දිව්වා, අම්මා බලාගෙන හිනා උනා වයස හරි එයා හිතන්නැති.
සුමාලිට තනිවම හිනා
අන්න අරූ උඹට හිනාවෙනවා
සුමාලි ආපහු පියවි ලෝකයට ආවා
ඇත්තමයි අර කොල්ලගේ කට කණේ
මං ඌට නෙවේ හිනා උනේ!
මටම හිනා ගියා ගමේ සිද්ධියක් මතක් වෙලා
ඒ උනාට මාසයක් ඔතන බලා ඉන්න ඒක ඇති
ඔයා දන්නවාද ඌ අර යතුර කරකවා කරකවා හිටියේ ඇයි කියලා?
නෑ!
ඌ ආවේ බයික් එකක හරි කාර් එකක හරි කියලා පෙන්නන්න
එහෙනම් බස් හොල්ට් එකේ ඉන්නේ
පෙට්රල් ගහගන්න වෙන්නැති,

කුමාරි අක්කා මහා හයියෙන් හිනා උනා, ආයෙමත් වට පිට මිනිස්සු බ‍ලනවා එයාට ගාණක් වත් නෑ. කුමරි සුමාලිගේ නැන්දගේ ලොකු දුව, එහා ගමේ හිටියේ, කොළඹ ගාමන්ට් එකකට ඇචිත් එයාට නගරේ හොඳට පුරුදුයි. දැන් අවුරුදු තුනක්, ප්‍රමෝෂන් ලැබි‍ලා හෙට අනිද්දම සුපර්වයිසර් කෙනෙක් වෙයි, එයා තමයි සුමාලිව ගාමන්ට් එකට ගත්තේ අත් උදව් කරන රස්සාවට. ඒ කියන්නේ ට්‍රේනිං

සුමාලි රස්සාවට ආවේ අවුරුදු කුමාරි තරඟෙට සල්ලි හොයාගන්න. මනමාලියෝ අන්දන බිංදු අක්කා හමුවෙන්න ගියාට පස්සේ තමා රස්සාවක් ඕනේ උනේ, එයා හිටපු අවුරුදු කුමාරියක්. අවුරුදු කුමාරි දිනන්න නම් මනමාලියෙකුට දාන මේකප් එකක් දාන්න ඕනේ, ලස්සන ඔසරියක් තමා, කර ටිකක් වැඩිපුර ඇරලා බඩ පේන පොඩි හැට්ටයක් අඳින්න ඕනේ, ඇඟට තදට ඔසරිය ඇරලා. අඩි උස සෙරෙප්පු දාලා තනි ඉරක තාලෙට ඇවිදින්න පුරුදු වෙන්න ඕනේ. ඔයා මේ බඩු ටික ගේන්න මම ඔයාව අන්දලා දෙන්නම්.

සුමාලිට අඩි උස සෙරෙප්පු කොහෙද? ඇඟලි වලින් ඇවිදින්න පුරුදු උනා එයා දෙකක් ගන්නකන්. දවසක් එයාට හම්බු උනා පරණ අඩි උස සපත්තු දෙකක්, ගෙදර කවුරුත් නැති වෙලාවක අම්මාගේ ඔසරිය ඇඳගන එයා අචුරුදු කුමාරි වෙන්න පුරුදු උනා, මල්ලියි නංගියි තමා නරඹන්නෝ, පස්සේ තමා සුමාලි දන්නේ, ඒ කතාව ගම පුරාම ගිගින්. මල්ලිගේ කට හොඳ නෑ.

ඊට පස්සේ සුමාලි කුමාරි අක්කත් එක්ක ගාමන්ට් එකේ වැඩට ආවා අවුරුදු කුමාරි වෙන්න ඕනේ බඩු ටිකට සල්ලි හොයා ගන්න. බිංදු අක්කටත් කීයක් හරි දෙන්න වෙයි, නැත්තන් එයා වෙන කෙනකුට අන්දයි. ඒ හින්දා සුමාලි ලියමක් දාලා බිංදු අක්කව බුක් කළා, කොල් කරලත් කිව්වා, එයාගේ ගාන 3000 යි. සුමාලිට ඕනෑවුනේ සුරංග අයියාට පේන්න අවුරුදු කුමාරි වෙන්නයි, එතකොට දෙන්නම දිනුම්, එදාට එයා මට ආදරෙයි කියයි, අම්මලත් කැමතිවෙයි, නෑදෑකමෙනුත් දුරින් මස්සිනා කෙනෙක්නේ සුමාලිට හිතුනා.

දවස ගෙවෙන්නේ හරි හිමිහිට, සුමාලි වැඩකරන ගමන් ඔරලෝසුව බැලුවා, හරියට තනට පඩි දෙන්න පටන් ගත්තා. සුමාලිට පඩි ලැබුනේ හතරට. හරිම සතුටයි, ජීවිතේ පලවෙන පඩිය. හතර හමාර වෙනකොට පාරට ආවා, කුමාරි අක්කා හමුඋනා, දෙන්නම ගියා ෂොපින්,

අම්මලාට තාත්තලාට බඩු ගන්නවාද?
මේ සල්ලි මදිවෙයිද දන්නෑ
ඉස්සෙල්ලා එහෙනම් උඹේ බඩු ටික ගනිමු, අපේ අවුරුදු කුමාරිනේ….

සුමාලිට ලැජ්ජා හිතුනා, ගමේ අයත් අවුරුදු කුමාරි කථාව දන්නවා, දැන් නම් තරඟෙට ගිහින් බෑ, මේ පාර ටීවී එකේත් ඒක යනවා
කඩෙන් කඩේට ගිය දෙන්නම අවුරුදු කුමාරි බඩු ගත්තා. බඩු මනමාලියෙකුටද කියලා කඩේ කොල්ලත් ඇහුවා. මල්ලිටයි නංගිටයි ටී ෂර්ට් , තාත්තට සරමයි, සීයට තුවායයි ඔන්න සල්ලි මදි උනා,

හරි වැඩේ සල්ලි මදි
කොච්චරක්ද ?
දෙසීයක්.
මං දෙන්නම්
බස් එකටත් මදි වෙයි
මම උඹට පන්සීයක් දෙන්නම් පස්සේ ගමු, දිනපුවාම සල්ලිත් හම්බු වෙනවා.
අනේ අක්කේ එපා
ගනින් ගනින් මට බොනස් ලැබුනා
අන්තිමේදී අම්මාට ගත්තෙත් පුංචි තුවායක්
දෙන්නා බොඩිමට ආවේ අතින් කටින් බඩු එල්ලාගන.
ඇඳ උඩ තියාගන බඩු තේරුවා.
ලස්සන රෙද්දක්! කොට්න් නේද?
මගුල් ගෙදරකටද?
කාමරේ අනිත් දෙන්නා කිව්වා
සුමාලි හිනාවුනා විතරයි.
කුමාරි අක්කා හිනාවෙවී අතීත කථාවම කිව්වා
මේ ඔසරියයි, හැට්ට රෙද්දයි දෙකම වෙනම බෑග් එකකර දාමු
අතේම ගෙනිච්චේ නැත්තං පොඩි වෙයි.
අනේ අපට ඇඳලා පෙන්නන්නකෝ
කරදරේ වැඩිකමට සුමාලි කැමති උනා

තුන්දෙනාම එකතු වෙලා සුමාලිට ඇන්දෙව්වා. සුමාලි අන්තිමේදී කන්නාඩියෙන් බැලුවා. අඩි උස සපත්තු දාලා ඇවිද්දා. එයාට කන්නාඩිය ඇල්ලුවේ කුමාරි අක්කා. සුමාලිට මම අවුරුදු කුමාරි තමා කියලා හිතෙන තරමටම එයාවම කන්නාඩියෙන් පෙනුනා.
බිංදු අක්කා හරි, ඇඳුමයි , මේක් අප් තමා කැපිලා පේන්නේ, අනික සුමාලිගේ ඇඟත් හැඩයිනේ, පහුගිය මාස තුනේම සුමාලි රූප ලාවන්‍ය කලා, තරුණි පත්තර ඔක්කම කියව කියව සියලු දේම කළා. පැය ගනන් හඳුන් ගාගන හිටියා, කොමාරිකා කෑවා, සමන් පිච්ව චතුර බීවා, ව්‍යායාම කලා, දිනන්නම තමා එයාට ඕනෑ උනේ.

පහුවදා උදේම නැගිට්ට සුමාලි ගෙදර යන්න පිටත් උනා, බස් එක ගමට ලඟාවෙනකන් එයා දැක්කේ අවුරුදු කුමාරි හීනේ. බස් එකෙන් බහින කොට හචස තුනයි. වෙල අයිනේ ගුරු පාර දිගේ සුමාලි ඇවිදගෙන ගියා. අතරමගදි හමුවුනේ කිරි අම්මා. ඒ කිව්වේ පුංචිකාලේ එයාලව හදපු අත්තම්මා කෙනෙක්.






ගමේ ළමයිම හදලා වයසට ගිය අත්තම්මා කෙනෙක්. එයාට හැමෝම කිව්වේ කිරි අම්මා කියලා. බැඳලා නැති උනාට පුතෙකුත් හිටියා. එයා කොහොම ලැබුණද කියලා කවුරුත් දන්නෑ, මිනිස්සු කිව්වේ ඒත් හදාගත්ත දරුවෙක් කියලා. ලඟටම එනකන් කිරි අම්මා සුමාලිව ඇඳිනුවේ නෑ.

කිරි අම්මේ මං සුමාලි
මට දැන් ඇහැ පෙනෙනවා අඩුයි දුවේ
ඒ උනාට හිනාවෙන් මං හිච්චි මැණිකේ ඇඳිරුවා
අවුරුදු හොඳද කිරි අම්මේ
අනේ දුවේ උඹ දන්නේ නැද්ද?
ඇයි කිරි අම්මේ, සුමාලි ටිකක් කලබලෙන්
අනේ දුවේ අලියා ගහලා අපේ කොලුවා නැති උනානේ
මේ පාර කුඹුරු වැඩ කලෙත් නෑ
කන්නේ බොන්නෙත් අමාරුවෙන්
මං විතරයි ගෙදර, ලේලිත් මහ ගෙදර ගියා
අනේ මගේ කොල‍්ලා හිටියනම් මට මෙහෙම වෙන්නෑ....

කිරිඅම්මා පාත්වෙලා කිලිටි රෙද්දෙන් කඳුලු පිහදාගත්තා. සුමාලිට කිරි අම්මා එයාට කථා කියනවා මැවිලා පෙනුනා.
ඕන් දුවේ එහෙම තමා ගැමුණු කුමාරයා කොත්මලේ කලු මැණිකේට ආදරේ උනේ, පස්සේ ඉතින් අක්කයි නංගියි දෙන්නම කැන්දන් ගියා බිසෝ මාලිගාවට, ඉතින් කිරි අම්මේ ඒ දෙන්නගෙන් අග බිසව උනේ කවුද? නංගි අග බිසව කරගන්නේ නෑ නේද?
ඕං පැහිච්ච කථා කියනවා, මං කොහොමද දන්නේ ඒක.
කිරිඅම්මා සුමාලිගේ ඔළුව අතගාලා හිනා උනා

සුමාලිට ආයේ පියවි ලෝකයට එනකොට, කඳුලු පිහදාපු කිරිඅම්මා එයා ඉස්සරහ හිටගන ඉන්නවා.
ඊට පස්සේ
මං යඤ්ඤං දුවේ කියලා උනදෑ යන්න ගියා.
සුමාලි ගල් ගැහිලා බලාගෙන හිටියා
කිරි අම්මේ ඔහොම චූට්ටක් ඉන්න
කිරි අම්මා හැරුණා
සුමාලි එයා ලඟට ගියා
කිරි අම්මේ මේක ගන්න

අවුරුදු කුමාරි තරඟෙට පරිස්සමෙන් ගෙනාපු හැට්ට රෙද්දයි, ඔසරි රෙද්දයි කිරිඅම්මාට දුන්නා. පර්ස් එක ඇරලා බිංදු අක්කට දෙන්න තියාගත්ත සල්ලි කවරෙත් ගත්තා, ඒකත් දුන්නා, බිමට නැමි‍ලා දණ ගහලා වැන්දා,
මගේ හිච්චි මැණිකෙට තුණුරුවන්ගේ සරණයි, තිස්තුන් කෝටියක් දෙවි දේවතාවුන් වහන්සේලාගේ පිහිටයි, ආරස්සාවයි, යන ගමන, එන ගමන කරන කියන රැකියාවල් … කිරි අම්මා නොනවත්වා පිං දෙනවා.
සුමාලි නැගිට්ටා
කිරි අම්මේ මං ගිහින් එන්නම්
උඹ අවුරුදු කුමාරියක් වගේ දුවේ
කිරි අම්මා අවුරුදු කුමාරි ඇඳුම් අරගන යන්න ගියා.
සුමාලි ඇත්තටම අවුරුදු කුමාරියක් වගේ සැහැල්ලුවෙන් ගෙදර ගියා.
එච්චරයි!





රචනය නිරංජන් මීගම්මන
www.shilpasayura.org

Friday, May 31

ඔබේ සිත් සටහන් සඳහා තරැ ඇගයීමක් ලබාගැනීම.

How to Include 5 star rating widget in to new blogger?

ඔබේ සිත් සටහන කියවන්නන්, එහි අගය මූණුපොතේ කැමත්ත ප්‍රකාශ කිරීමෙන්, බෙදා ගැනීම හෝ ගූගල් +1 කිරීමෙන් ලබාදිය හැක. එය ඔබගේ සිත් සටහන හා අන් ඒවා අතර අගය වෙනස පෙන්වූවද, ඔබගේ සිත් සටහන් අතර ගුණාත්මක බව ඇගයීමක් ලබා නොදේ. මේ සඳහා තරැ ඇගයුම ප්‍රයෝජනවත්ය.

When your blog readers read your blog post, you can ask them to like it on FB or +1 in google or stumble upon or pinterest. But how would do you know that how much your reader like your post comparing to your other posts.

තරැ ඇගයීම නිසා ඔබගේ සිත් සටහන් කෙතරම් අගනාද, ඉන් කියවන්නා හෝ බලන්නා කෙතරම් දුරට ආනන්දයට පත්කරනවාද යන්න පාඨකයාගෙන්ම ලබාගැනීම ඔබගේ සිත් සටහන්කරණයේ වෘත්තීමය තත්වයට ගෙන ඒමට උදව් කරයි.

How your effective  is your Blog post? Does your blog post satisfy the reader and to what degree, so you will learn to improve. If you want to be a Pro-blogger these little things matter in your blogging carer.

ඔබේ සිත් සටහන බලන සෑම පාඨකයකුම ප්‍රතිචාර නොදක්වයි. ඊට තාක්‍ෂණික ගැටළුවක් හෝ සමාජමය හේතුවක් තිබිය හැක. විශේෂයෙන්ම දේශපාලන හා ආගමික කාරණා ගැන අදහස් පළකිරීමෙන් බොහෝ දෙන වැලකෙති. පාඨකයාගෙන් තරැ ඇගයුම ලබාගන්නා විට තාරකා සලකුණු 5 ක් භාවිතා කරයි. එය ඉතාම සරළ හා පහසු ක්‍රමයකි. එය සෑමදෙනාටම අදහස් පළකිරීමේ හා සභාභාගීමේ අවස්ථාව ලබාදේ.

Not every visitor would comment on your blog. Specially when they have a technical problem with local language input methods. Star Rating using 5 stars, is the most simplest and easiest  way to get feedback from every reader. 

නව ගූගල් සිත් සටහන් වල තරැ ඇගයුම යොදානීමට හා <සැකසීම> වඩාත් පහසුකර ඇත.
Google has given you more control of widgets configuration in blogger than old blogger.

ක්‍රමය :

draft.blogger.com වෙත යන්න. ඔබගේ හැඳිනුම හා රහස් පදය භාවිතා කර කළමණාකරණ පුවරුවට පිවිසෙන්න. අදාල සිත් සටහන තෝරාගන්න.

Once your login to draft.blogger.com, select your blog to add start rating.

layout > edit වෙත යන්න.



මදක් පහලට අනුචලනය කර Show Star Rating ලකුණු කරන්න.

scroll down and tick Show Star Rating.

අනතුරුව පහල කේතය ඔබේ සිත් සටනේ තරැ ඇගයුම අවශ්‍ය තන්හි යෙදිය හැක.
Then add following code at any place whare you need Star rating in your template


තරැ ඇගයුම මාතෘකාවට පහළින් දැමීමට පහත කේතය එකතු කරන්න.

To add the Star Rating just below Title, Add following code just below



නිරංජන් මීගම්මන
Team කපුටා.LK 

Wednesday, May 29

"අකුරු මිහිර" මා අදද රස විඳිනවා

මහා ජේ.බී. දිසානායකයින් සමග සිංහල යුනිකෝඩ් කමිටුවට මා සහභාගී උනා. එ‍තුමාගේ මට දුන් "අකුරු මිහිර" මා අදද රස විඳිනවා.

ඇතා ඇලට ආවා - ඇතා ඇලට පැන්නා
ඇත් පැටියත් ආවා - ඇත් පැටියත් පැන්නා

මේ කුමාරතුංග මුනිදාස ශූරීන් ගේ රසම රසය

රෝස මලේ නටුවේ කටූ
වන බඹරෝ ඔහෝම හිටූ
නටුව නොවේ මල සිඹිමී
මම ළමයෝ පැණි උරමී

බලන්න කාලය වෙනස් උනත් තියෙන සමානකම් හා ලබාදෙන රසයේ නොඅඩුව. එමනිසා අනාගතයේ දරැවන්හට උරුම කරන්න සිංහල ව්‍යාකරණය රැකගමු, ඉගන ගමු. නව ලියුම් රටා හා ශෛලීන් භාවිතා කළත් භාෂාවේ මූලික ව්‍යුහයන් වෙනස් කිරීම නම් නුසුදුසුයි.

මට ආසයි ආයෙත් මුහුද දකින්න - සාමන්‍ය ව්‍යවහාරය
මට ආයෙත් ආසයි දකින්න මුහුද - ස්පාටකස් කථාව මතකද?
මට දකින්න ආසයි මුහුද ආයෙත් -
මට මුහුද ආයෙත් දකින්න ආසයි -
මුහුද ආයෙත් දකින්න ආසයි මට -
ආයෙත් දකින්න ආසයි මුහුද මට -
ආසයි ආයෙත් දකින්න මට මුහුද -
ආසයි ආයෙත් මුහුද දකින්න මට -

කථන, චිත්‍රකථා, කවි,  ගීත රචනා, නාට්‍ය, වන්නම් වල මෙවැනි ශෛලීන් ගොඩයි. කොහොම පද බැඳ ලීවත් උක්ත, ආඛායාත, කර්ම, ක්‍රියා, කාලාර්ථය හා අක්‍ෂර වින්‍යාසයන් වසර දහස් ගණනාවක් දියුණු වී ආ දේ. ඒවා වෙනස්වීම ක්‍රමයෙන් සිදවූවත්, සිතා මතා වෙනස් කිරීම එකඟතාවයන් අනුව වීමයි වැදගත්.

කොළඹ යුගයේදී ඩබ්. ඒ. සිල්වා සුරීන් සිංහල බස සූක්‍ෂමව හසුරුවා නව රසයක් ලබාදුන්නා. සිරියලතා කථාව උණු කැවුම් වගේ අලෙවි උනා. විජයබා කොල්ලය, සුනේත්‍රා, ලක්‍ෂමී නොහොත් නොනැසෙන රැජින (Translation of King Solaman's Mines) වැනි පොත්වල ඔහු නව වදන් රාශියක් හඳන්වා දුන්නා. හරිම රසවත්. ඔහුගේ සෑම පොතකම නව වචන සූචියක්ද අඩංගු කළා. ඔහු නව වචන හඳුන්වා දුන්නේ වාග් විද්‍යාවට අනුව ඉතා පරිස්සමින්.
චින්තාමාණික්‍යරත්නය ඔහුගේ වචනයක්. පාපමළප්‍රක්‍ෂාලනක්‍ෂණම සකස්කඩ වචනයක්. සකස්කඩ සිංහල උච්චාරණය පිණිස මිස පොත් ලියන්න නෙමේ භාවිතා කලේ. අදත් පිරිවෙන්වල පූංචි හාමුදුරැවරු සකස්කඩ වනපොත් කරණවා.

අද ඩබ්. ඒ. සිල්වා ශෛලිය භාවිතා නොකලත් ඔහුගේ ශෛලිය ඉතා රසවත්. ඒ ව්‍යාකරණය මනා ලෙස හැසිරවීම නිසයි. මහාචාර්ය සරත්චන්ද්‍ර මනමේ ලියද්දී නව වදන් අපට උරුම කළා.

නන් සිරින්, ලප නොමවන් සඳ සේ, දුලා නෙතුපුලා, වන්‍යේ ආරණ්‍යයේ, අසන් මපිය හිමි, ගියා වැද්දෝ නොම විද්දෝ
මාගේ අවසර නොමගෙන. බස ව්‍යක්තව හැසිරවීමේ හැකියාව ලැබෙන්නේ ව්‍යාකරණාදිය ප්‍රගුණ කිරීමෙන් පමණයි. අජිත් තිලකසේන
වැනි කතුවරුන් නව ක්‍රම අත්හදා බැලුවද එය ප්‍රධාන මාවතට එන්නේ නැහැ. බලන්න මේ අති විශිෂ්ඨ විකිලිපිය.

http://si.wikipedia.org/wiki/%E0%B6%B8%E0%B6%B1%E0%B6%B8%E0%B7%9A

බලන්න එය කොතරම් හොඳින් ව්‍යාකරණාකූලව සකසා තියෙනවාද? එය මා ලියනාකාරයට ලිවිය නොහැකියි. සංවාදාත්මක හා ශ්‍රාස්ත්‍රීය ලිපියක වෙනස එයයි. එය මනාව තේරුම්ගත් කළ අන්තර්ගතය අනුව ශෛලිය වෙනස් කරමින් ඕනෑම නිර්මාණයක් රසවත්ව කිරීමේ හැකියාව  ඔබට ලැබෙනවා. කීටකථන්දර කරුවෙකුගේ සිට මහා ගත්කරුවරයකු දක්වා යාමට යමෙකුට හැකියාව ලැබෙන්නේ බස ඇසුරෙන් සහ ලිවීමෙන්ම පමණයි. බස වනසා එය කළ නොහැකියි.

ඉතින් මිතුරනි ඉගන ගනිමුද හරිහැටි සිංහල බස. ඉංග්‍රීසියට දක්වන ගෞරවය ලබාදෙමු ද සිංහලයට හසුරැවා නිසි ලෙස. හෙලය සහ සකුව මුසුව සුදුසු නොවූවද, රසය ගෙන එනු පිණිස, මෙපද ලිවූ බව කියමින නවතිමිය අදට  මම, නැවත හෙට ලියන තුරු සැමට ඔබ ජය හා සතුට.

නිරංජන් මීගම්මන
ශිල්ප සයුර
www.shilpasayura.org

Monday, May 27

‘ණ’ හා ‘ළ’ යෙදෙන් තැන්

අකුණ = හෙණය
අකුණු = හෙණ
අකාරණය = නොකරුණ
අගුණ = ගුණ නැති
අග්‍රගණ්‍ය = ප්‍රධානතම
අජීර්ණ = නොදිරන

අණ = නියෝගය
අණ පනත් = ආඥා හා ප්‍රඥප්ති
අණබෙර = රජ අණට හඬවන බෙර
අණව = සාගරය
අණසක = අඥා චක්‍රය
අණුදක්නය = සියුම් දේ දක්වන උපකරණය

අතික්‍රමණය = නීතිය ඉක්මවා යෑම
අතිහරණය = අධිවර්ධනය (ව්‍යාධියකි)
අතීතාරම්මණ = අතීතය අරමුණු කරන
අතුණ = බඩවැල
අධිකරණය = උසාවිය

අනාවරණ = විවෘත
අනුකරණය = සමාන ව කිරීම
අනුකර්ෂණය = ඇද ගැනීම
අනුස්මරණ = සිහි කරන
අපමණ = බොහෝ
අපසරණය = වෙන් ව යෑම
අපහරණය = ඉවත් කිරීම

අප්‍රාණික = පණ නැති
අප්‍රමාණ = බොහෝ
අප්පමාණ = බොහෝ
අබරණ = ආභරණ
අභිපේ‍්‍රරණය = ඉදිරියට යැවීම
භිරමණය = 1. පී‍්‍රතිවීම, 2. රති සැප
අභිරමණීය = සිත් පිනවන
අමරණීය = නො මැරෙන

අමුණ = 1. දිය රඳවන බැම්ම, 2. වී පෑලක ප්‍රමාණය
මුණන = ඇමිණීම කරන
අරණ = ආරණ්‍යය, තුරු බහුල පෙදෙස, වනය
අරමණ = රාමඤ්ඤ දේශය
අරමුණ = අදහස, ඉලක්කය

අරුණ = අලුයම් කාලය
අරුණෝදය = හිමිදිරි ආලෝකය
අර්ණාව = සාගරය
අවතීර්ණය = පැමිණීම
අවධාරණය = බරකොට කීම

අමුණන = එකට ආඳින
ආවේක්ෂණය = විමසා බැලීම
ආවේක්ෂණික = විමසා බැලිය යුතු
අසරණ = පිහිටක් නැති
අසාධාරණ = සමාන නො වූ

අංගණය = මිඳුල, පිට්ටනිය
අංග රූපණය = ලක්ෂණ දැක්වීම
ආකර්ෂණය = ඇදගන්නා
ආක්‍රමණ = බලෙන් කඩා වදින
ආක්‍රමණික = බලෙන් කඩා වදින්නා වූ
ආචීර්ණ = හුරු පුරුදු

ආණ්ඩුව = රජය
ආදරණීය = ආලවන්ත
ආපණ ශාලාව = කඩය
ආභරණ = අබරණ
ආමන්ත්‍රණ = කැඳවන, අමතන

ආරණ්‍යය = වනය, කැලෑව
ආරෝපණය = පැටවීම
ආරෝහණය = නැඟීම
ආවේණික = පරපුරට අයත්
ආඝ්‍රණය = ගඳ සුවඳ දැනීම

Saturday, May 25

නාම පද ක්‍රියා පදයක් - nouns are sometimes verbs

සමහර නාම පද නාම පදයක් මෙන්ම ක්‍රියා පදයක් වන අවස්ථාද ඇත.
Some nouns are a noun as well as a verb

"love" is a noun but can also be a verb.
my love - මගේ ආදරය
I love - මම ආදරෙයි
you love - ඔබ ආදරෙයි

මෙවැනි උදාහරණ 15 ක් ඔබට ලියා දැක්විය හැකිද?
"run" is a noun but can also be a verb.
long run
 - දුර දිවීමI run - මම දුවනවා
you run - ඔබ දුවනවා

long jump - දුර පැනීමhigh jump - උස පැනීම
jump! - පනින්න
මෙවැනි පද 25 ක් සොයා ලියන්න.

අයිතිය හැඟවීමට ගේ/ 's යොදාගැනේ

යම් කිසිවක් යමෙකුට අයිතිය හැඟවීමට 's යොදාගැනේ

මගේ, මාගේ ඔබගේ, ඔබලාගේ, අපේ, අපගේ, ඔහුගේ, ඇගේ,ඈගේ, උගේ, ඌගේ, ඔවුනගේ, ඔවුන්ගේ<br>

We add 's or ' to show ownership or possession.
Nimal's Book
my parents' house
Dharani's friend

අගට s අකුර තිබෙන නාම පද වලදී ' පමණක් යෙදේ. එහිදී 's ලෙස යෙදීමක් නැත.
My book, your book, his book, her book ආදිය ඉන් වෙනස් වේ.

අන්‍ය පුරුෂ සඳහා මෙය යෙදෙන අයුරු බලන්න

the boy's book (one boy one book) - ළමයාගේ පොත
the boys' book (two or more boys one book) ළමුන්ගේ පොත
the boy's books (one boy many books) - ළමයාගේ පොත්
the boys' books (two or more boys many books) ළමුන්ගේ පොත්

අගට s අකුර එනවිට අයිතිය හැඟවීමේ ' යෙදීම කරණ මුත්
ඊට පසුව වේ s's ලෙස නොලියයි.
the man next door's mother (the mother of the man next door)
the President of Sri Lanka's flag (the flag of the Sri Lanka President)

දෙවැන්න වඩා ස්වාභාවිකය.
the pet of my uncle හා
my uncle's pet ගත්විට
දෙවැන්න වඩා ස්වාභාවිකය. 

සිංහලයේදී අයිතුය හැඟවීමට ක්‍රම.
ඔහුගේ පෑන මට දුනි.
ඔහුට අයිති පෑන මට දුනි.
ඔහු ලඟ ඇති පෑන මට දුනි.

මෙහිදී 2 වාක්‍යය නිසැකවම අයිතිය හඟවන මුත් අනිකුත් වාක්‍යවල අදහස ලඟ තිබීම මිස නිසැක අයිතිය නොවේ.

This is Malani's doll.
Where is Ramani's mobile phone?

Who took Anula's book?
I like Taranga's shirt.


When a name ends in s, we usually treat it like any other singular noun, and add 's:
යම් කෙනෙකුගේ නාමයක් s අකුරින් අවසන් වන විට එය ඒක අන් ඒක වචන නාමපදයක් ලෙස සලකා අයිතිය හැඟවීමට අගට 's යොදයි.

නාම පද : Nouns

යමක්‌, දෙයක්‌ හෝ ස්‌ථානයක්‌ හැඳින්වීමට නාම පද යොදා ගැනේ.
උදාහරණ : මේසය, පොත, පරිගණකය, දූපත, විශ්වය, ගංඟාව,තෙල්දෙනිය, ගඩලාදෙණිය

යම් ජීවියෙක්‌ හැඳින්වීමටද නාමපද යොදා ගැනේ.
උදාහරණ :
 කූඹියා, අලියා, මිනිසා, අශ්වයා
අලියා වැවට එයි.
මිනිසා දර කපයි.
ගඩලාදෙණිය පැරණි විහාරයකි.


නාම පද විවිධ ආකාරයෙන් වර නැගීමෙන් තවත් වචන හා ක්‍රියා සෑදෙන බවද වටහා ගන්න.

Nouns : Nouns are a person, place or thing. Nouns are "things". Like house. Nouns are "places". Like Anuradhapura.

Nouns can be "names" like Champa, Saman


a person: boy, girl, man, woman, teacher, mother, Nimal, Samadhi
a place: class, market, bus halt, home, office, city, village, Kandy, Japan
a thing: table, chair, car, mango, banana, money, music, love, donkey, monkey , cat



උපුටා ගැනීම ශිල්ප සයුර  වෙතිනි.